الله المستعاان

الله ييسر على كل معسر

استغفر الله العظيم الذي لااله الا هو الحي القيوم واتوب اليه

والله العظيم اني حاولت في كل العروض وأغلبها من شركات معروفة ولكن النتائج رفض الطلب بحجج مبهمة مثل ان الكفيل عليه تعثر بالاتصالات بالله هذا سبب يخليهم يرفضوا الطلب بكامله وكأنهم ضامنين أن طالب التمويل راح يسحب عليهمماعاد فيه ثقه بضمان الشيكات والعنوانين وأرقام الاتصال وكل هذا ماله اعتبار عندهم , يبون واحد جاهز وجديد ماعليه أي قصور يااخوان لو اني جديد كان اروح البنك رليه اجيكم هنا فوائدهم اقل ويوم والمعامله مخلصه والتمويل بجيبك لا ولاشيكات ولايحزنون... الله لايحوجنا لهالعروض وشكرا

انا اخذت عن طريق مؤسسة البرق صراحه تعاملهم راقي

اخواني

الغالبية من زوار هذا المنتدى اما صاحب حاجه و يبحث عن من يموله او يشاركه
وهناك الممولين و اللي جايين يترزقون الله
وهناك الوسطاء اللي يكونون همزة وصل بين الاثنين( وفي هذه الحالة غالباً يكون الممول من خارج المنتدى)

وين مشكلة عدم التنفيذ ؟

الممول يبي يستثمر أمواله في مكان أمن و بوجود الضمانات الكافيه - ولكل ممول وجهة نظر :هناك من يطلب كفلاء أو شيكات او رهن او استقطاع من الراتب او او ..
وكلما قلت الضمانات تزيد نسبة الفائده و هذا شي طبيعي لزيادة المخاطر و لكن الغير طبيعي و غير مقبول زيادة الفائدة لزيادة احتياج المقترض لأن هذا يسمى إستغلال

المقترض يفترض منه اللجوء للتمويل الأقل تكلفة و هي البنوك
ولكن يوجد عدة فئات بلجأون لجهات أخرى لعدم تمويلهم من قبل البنوك لعدة أسباب تختلف من شخص لآخر : اما ان يكون شخصية اعنباريه كالشركات و المؤسسات وتحوط البنوك منهم بشكل كبير ولهم الحق في ذلك

واما ان يكون فرداً وليس له وظيفه معتمده كبعض موظفي القطاع الخاص او البنود او وجود اسمه متعثراً في سمه او يحتاج مبلغ اكبر مما يعطيه البنك.
في نفس الوقت طالب التمويل لا يقدم ضمانات كافيه تفيد أولا بمقدرته على سداد الالتزام الجديد و ثانياً في حال التعثر في السداد ماهي الاجراءات الكفيله باسترداد حق المستثمر .

و هناك الوسطاء : و هم حلقة الوصل بين الطرفين و هنا تقع غالبية المشكله
ويلجأ اليهم المستثمر لزيادة المبيعات و المقترض اما لجهله بفرص التمويل المتاحه له او لطلبه المستحيل ( يااخي إذا أردت أن تطاع فاطلب ما يستطاع )
مشكلة بعض الوسطاء والتي لاحظتها في المنتديات بشكل عام وهنا بشكل خاص أن الموضوع يوجد فيه غموض ( مثلاُ يطلب جميع البيانات الشخصية والسرية الخاصة بالعميل و لا يبين من يكون او صفته ويطلب ارسالها على أيميل !!!)
هذا شق ام الشق الآخر المبالغه في عمولة الوساطه والتي تصل أحياناً إلى 11%!! (فقط عمولة وساطة ) و ياليت نسبة الفوائد بسيطه كان ممكن نمشيها بس هي أحياناً تصل 20% سنوي .
يا اخي قلل عمولتك و ترزق الله و بيطرح فيه البركه
بس فيه أشكالية تقابل الوسطاء و هي إجحافهم حقهم أو ما يسمونه بالعاميه ( يجحدونهم ) بعد إتمام عملية التمويل وعدم مصداقية أحد الطرفين معه ادى لضياع حقه

بالمختصر لو فيه شفافية ووضوح من جميع الأطراف لوجدنا الجميع راضي سواء المستثمر او المقترض او الوسيط

نسأل الله لنا ولكم التوفيق و النجاح وأن يرزقنا وإياكم خيري الدنيا والآخرة

أنا ماحصلت المصداقيه والله غطينا على مصر من ناحية الكذب والسرق عينك عينك أجل يبي يسدد لي تمويلي بمبلغ 240 الف وخلال اسبوع الا اسبوعين يبي ياخذ فايده عشرين الف ليش عسئ ماشر ولا راتب عميد بالجيش في خلال اسبوعين يعني شهر اربعين الف الله يرحمنا برحمته ونقول الأرض جفت وماعاد جتنا الأمطار أثاريه من جشع هالعالم ألي تبي فلوس بالي هي به حلال حرام أهم شي فلووووووووووووس , ومايدري المسكين أنه بيروح وبيخليها يلعبون فيها غيره ,وبالنسبه للأخ أو الأخت ألي يقول تمويل شرعي ببنك الجزيره اتصلت فيكم وقلتو نشتري مديونيتك لكن عليك تعثر بسما وهو من ضمن ال240 الف فياليت مانجلس ننصب على أنفسنا , وعالعموم مافيه أي جديه ومصداقيه بالموقع مع أحترامي الشديد للقائمين على الموقع .

اه اه يازمن انا ليا شهر منزل عنوان مبلغ 6000 الاف بسيط جدا اريد احد يمولني واقصده كل شهر 1500 مالقيت ومسووين زحمه تمويل وتمويل ماااقول الا الى عند الله خير وابقى

اخي العزيز لا تعمم فالمنتدى فيه شركات صادقه ووفون بما يقولون لكن المشكلة في من يبحث عن تمويل تجد البعض يقول ابغى 200 الف واقسط 1500 على كم سنه هذا تبغى تقصده ولا يقول ابغى 500 الف وراتبه مايتعد 7000 والثاني يقول لك ابغى 50000 واسدددك بعد شهر وباي فائده ليس موظف ولا لديه اي ضمان كيف تبغى نقصده
نعم مااقول ان جميعهم صادق لكن الموجودن فيهم البركه

والله يا اخوان لي فتره وانا اجري ورى وهم اسمه ممولين كلهم بلا استثناء ما عندك احد كلامهم كذب في كذب المصيبه كل يوم تلقالك اعلان نفس الي قبله ونفس السالفه لدرجة اني بدأت اشك ان كل الاعلانات هي لشخص واحد ، مع الاسف مافي مصداقيه ومثل ما تفضل بعض الاخوان حتى ان كانت الشروط تنطبق عليك ومستوفي كل شي تجي في النهايه يسحب هالممول او الوسيط عليك وبدون اي سابق انذار ( تتصل عليه يقولك انتظر مافي فلوس عندنا الآن و ان شاء الله نتصل عليك اذا جاتنا فلوس) وقابلني لو زاد اتصل عليك هذه بعض مما واجهت من اعذار هالناس، والله ان التعامل مع البنوك مع انهم نصابين اكثر مصداقيه وشفافيه وسرعه في التنفيذ من هالممولين او وسطائهم الوهميين ، سؤالي لكل الي يكتبون هل ترغب في تمويل ادخل... لماذا تستخفون بعقول الناس ؟؟ هل لأن طالبين القروض ناس اصحاب حاجه فتستغلون هذه النقطه في اللعب بهم .. اسف لو اطلت عليكم في الكلام ياخوان بس والله ما كتبت هالكلام الا من حرقه .

كلام في كلام ياكثر الرسايل الخاصه والناس الي كلمتهم للتمويل ويعطونك الشمس بيد والقمر بيد بالاخير ماتشوف الا غبار رجوله